Castañazo 2017

Disque as mellores cantigas agroman na taberna e de alí espállanse polo mundo. Somos conscientes desta realidade e por iso recuncamos un ano máis organizando o VIII Certame de Cantos de Taberna. Tralo éxito e boa acollida da actividade nas pasadas edicións facemos unha nova convocatoria para o día 11 de Novembro, coincidindo coa celebración da segunda xornada do Castañazo Rock, entre as 15:00 e as 19:00 horas.


Castañazo 2017 Castañazo 2017

BASES

1. Os grupos participantes estarán integrados por un máximo de 10 persoas que en ningún momento se poderá exceder.


2. A inscrición é de balde e poderase realizar ata completar un límite de 12 grupos participantes mediante o correo electrónico cantosdetaberna@castanhazo.com ou ben chamando ao teléfono ✆ 608 924 272.


3. A inscrición poderase realizar a partir do 10 de Outubro ata o día 8 de Novembro incluído ou de ser o caso ata completar o tope de grupos, indicando no momento o nome do grupo que concursa, un correo electrónico, un teléfono de contacto e o número de integrantes.


4. A recepción dos participantes farase o día da actividade ás 14:30 horas na Praza de Santa Ana (Plazuela) de Chantada. Prégase puntualidade co fin de axilizar a actividade de acordo co programa do festival. A hora de remate deberá ser sobre das 19:00 horas.


5. Cada grupo poderá interpretar unha única peza en cada taberna (este número poderá ser maior se os membros da organización así o consideran). A peza a interpretar será en galego, de libre escolla, preferentemente entre o repertorio popular aceptándose tamén composicións propias e orixinais que poderán variarse ao longo do percorrido polas tabernas.


6. En cada taberna os integrantes dos grupos poden degustar unha consumición de balde (viño, cervexa ou refresco) a cargo da organización. Con este fin entregaráselles un lote de tickets a cada membro de cada grupo que serán os únicos válidos para acceder á consumición de balde.


7. Os 12 grupos participantes repartiranse de inicio, e por sorteo no xusto momento de comezar a proba, en 2 itinerarios diferenciados con 6 grupos cada un. Cada itinerario estará composto por 5 tabernas.


8. Atendendo as suxerencias de grupos participantes en edicións anteriores, este ano procedemos a eliminar as puntuacións e os premios, polo que todos os grupos participantes serán gañadores e o premio final será desfrutar da festa.


9. O certame dará fin cun duelo cantado improvisado entre todos os participantes na Praza de Santa Ana (Plazuela).


Castañazo 2017 Castañazo 2017

ITINERARIOS

Itinerario 1:


1. Parada

2. Capitol

3. Mar & Bellota

4. Centro

5. O Canizo

Itinerario 2:


1. Mar

2. Manix

3. Agocho

4. Plaza

5. Larpeiriña





GRUPOS PARTICIPANTES

Castañazo 2017

Podes ver máis fotos do VII Certame de Cantos de Taberna dende aquí



imagen imagen imagen imagen imagen Castañazo 2017