LLORIÁN GARCÍA FLÓREZ
Caldones, Xixón, 1987

Aos 11 anos empezou a recibir clases de gaita. Máis tarde comezou a tocar o violín, instrumento co que formou varios grupos de folk, recibindo diversos premios dentro e fora de Asturies.

Na actualidade compaxina a actividade musical do grupo Dixebra cos estudos de gaita no Conservatorio Profesional “Eduardo Martínez Torner”; ademais, atópase realizando o último curso que lle levará a licenciarse como musicólogo o próximo ano. Así mesmo, é mestre de música diplomado por la Universidad de Uviéu.

LUIS CAO ASPY
Cambre, A Coruña, 1986

Na actualidade forma parte de Bastards on Parade (punk-folk) donde toca Gaita, tin whistles e frauta tenor, Pangea (Rock-Bravú) tocando a gaita e aaxofón, Grupo de musica e Baile "As Mariñas" de Cambre tocando a gaita e o tamboril. Ten acompañado á Banda de Sementeira (Cambre) a tocar e gravar pezas mesturando a música clásica coa gaita, tamén nun grupo do seu pobo onde intentou mesturar o trash metal coa gaita. Asemade deu algunha clase en obradoiros de iniciación e perfeccionamento de percusión especialmente do Djembe.

AARÓN IAGO BOUZÓN BARRIO
A Coruña, 1983

Comezou a tocar a gaita na agrupación de baile tradicional Os Rueiriños, músico gaiteiro e frautista, formou parte de múltiples bandas como Pedras, GS21, Banda Potemkin, Deixa que Xa, Frouma, Os Lavacolhos...

Na actualidade é integrante do grupo Ulträqäns xunto con tres destacados músicos do panorama galaico.

XURXO SOUTO
A Coruña, 1966

Foi fundador do conxunto bravú “Os Diplomáticos de Monte-Alto” e  agora -tras varias experiencias sonoras e algúns libros escritos-  toca o acordeón no grupo “Tres Trebóns”.



HISTORIA E GLORIA DA CANCIÓN DE TASCA
"Si canta mal, no cante. Si canta bien, cante fuera", con este cartel espermicida de paixóns, a hostalería de formica expulsou –ai! canta ingratitude!– a canción dos bares. Seguindo a pegada dos vellos resistentes que nunca renunciaron a soltar a gorxa en melodía, imos xuntos mollar o futuro neste ritual prodixioso: música e amizade compartida, cun grolo de viño, nas tabernas máis queridas.